Raportuesja për Kosovën në Parlamentin Evropian, Viola von Cramon, ka vizituar të premten Mitrovicën.
Megjithatë me përfaqësuesit serbë nuk u takua, pasi si kryetari i Mitrovicës Veriore ashtu edhe serbët që kanë pozita në qeveri refuzuan ta bëjnë një gjë të tillë.
Por, Von Cramon nga jugu siguroi që gjendja në veri është e qetë.
Politikanja gjermane gjithashtu tha se është duke u punuar për ta gjetur një zgjidhje në lidhje me mbajtjen e zgjedhjeve të Serbisë, më 3 prill, edhe në Kosovë.
Kur u pyet për liberalizimin e vizave, ajo tha se pret që kjo të ndodhë shpejt, pasi siç deklaroi, BE-ja është duke u vonuar që katër vjet për këtë vendim në lidhje me kosovarët.
