Një konflikt familjar ka përfunduar me ndërhyrjen e policisë në fshatin Dobrevë të Leposaviqit, ku një burrë është arrestuar nën dyshimin për kanosje ndaj vëllait të tij.
Sinjali mëson se dje rreth orës 16:30, një qytetar ka telefonuar Policinë për të raportuar se është kanosur nga vëllai i tij, me të cilin, sipas ankuesit, nuk ka pasur marrëdhënie të mira prej kohësh.
Tensionet mes tyre kulmuan atë pasdite pas një fjalosjeje verbale.
Njësia patrulluese, bashkë me hetuesit rajonalë, kanë dalë menjëherë në vendin e ngjarjes. Ankuesi është udhëzuar të paraqitet në stacionin policor për të vazhduar procedurën, ndërsa policia ka arritur ta gjejë të dyshuarin Sladjan Nikoliq, 56-vjeçar dhe ta shoqërojë në stacion.
Pas intervistimit dhe konsultës me Prokurorin Kujdestar, rasti është iniciuar si “Kanosje” dhe i dyshuari është dërguar në mbajtje.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
