Aurora Group
KOSOVËLAJME

Detaje të reja nga Policia për tentim vrasjen në Graçanicë

Detaje të tjera ka shpalosur Policia e Kosovës për tentim vrasjen në Graçanicë mesditën e së martës.

Siç bëhet e ditur në raportin policor, ka pasur gjuajtje me armë zjarri nga një veturë në lëvizje në drejtim të një veture tjetër.

Dukato 1

Më pas dy veturat janë aksidentuar mes vete.

Lidhur me rastin janë arrestuar dy persona ndërsa në vendin e ngjarjes janë gjetur dhe konfiskuar 5 gëzhoja nga arma e zjarrit.

“Graçanicë, 16.04.2024-14:50. Është raportuar  se nga një veturë e dyshuar, e cila ishte në lëvizje me shpejtësi të madhe, nga persona të dyshuar është duke u shtënë me armë zjarri në drejtim të një veture tjetër në lëvizje, dhe pastaj të njëjtat vetura janë aksidentuar në mes veti.

Njësiti policor ka dalë në vendin e ngjarjes ku e ka takuar të dyshuarin mashkull kosovar në afërsi të veturës së tij, i cili vullnetarisht e ka dorëzuar një pistoletë me leje. Njësitet policore të forenzikës në vendin e ngjarjes kanë gjetur dhe konfiskuar 5 gëzhoja nga arma e zjarrit. Lidhur me rastin janë arrestuar dy të dyshuar meshkuj kosovarë dhe pas intervistimit me vendim të prokurorit janë dërguar në mbajtje”, thuhet në raport.

Active