Dhoma e Tregtisë dhe Industrisë padit ZRRE-në mbi çështjen e liberalizimit të tregut të energjisë

Dhoma e Tregtisë dhe Industrisë së Kosovës ka dorëzuar padi ligjore ndaj ZRRE-së për shkak të shkeljeve në procesin e  liberazimit të tregut, shkruan Mitropol.

Kjo organizatë thotë se vendimi për liberalizim të tregut është marrë pa konsultime paraprake me biznese, e ndër tjera pa, një analizë të tregut.

Për më tepër, përkundër deklarimeve publike se tregu është liberalizuar dhe se janë të hapura mundësi të shumta për furnizim, aktualisht është vetëm një kompani – KESCO – e cila po dërgon oferta për furnizim të bizneseve. Kjo bie ndesh me vetë thelbin e liberalizimit dhe e shndërron këtë proces në një monopol të fshehur, duke rritur rrezikun për abuzim me çmime dhe cilësi të shërbimit.” shkruan organizata përkatëse./Mitropol/.