KOSOVËLAJME

E kërkonte Interpoli/ Fast Kosova arrestoi një person nga Maqedonia e Veriut për trafik droge

Foto Ilustrim

Policia e Kosovës, konkretisht njësiti ILECU-FAST KOSOVA, në vazhdën e bashkëpunimit policor ndërkombëtar me shtetet partnere,  ka arritur të arrestoj një person me urdhërarrest ndërkombëtarë.

“Me datë 29.04.2024 në qytetin e Ferizajt, ky njësit në bashkëpunim të ngushtë me Drejtorinë për Narkotik dhe Njësinë për Reagim të Shpejtë-Ferizaj pas një pune intensive në terren, ka arritur të lokalizoj dhe arrestoj një shtetas nga Maqedonia e Veriut  me inicialet A.H., (viti i lindjes 1983) i shpallur në kërkim ndërkombëtar të INTERPOL-it për veprën penale “Trafikim me Narkotik””, thuhet në njoftimin e policisë.

Market Florenti
Florenti Company
Koha

Me urdhër të Prokurorit kompetent, ndaj të njëjtit do të aplikohen procedurat e parapara për këto raste, deri në ekstradimin e tij.

Policia e Kosovës, mbetet e përkushtuar në realizimin e detyrave dhe përgjegjësive të saj ligjore, përfshirë edhe fushën e bashkëpunimit ndërkombëtar policor.