Ekskluzive: Ky është i riu që u arrestua si i dyshuar për vrasjen e sontme në Vushtrri (EMRI dhe MBIEMRI)
Një ngjarje tragjike ku një djalë i ri, nxënës i shkollës së mesme u godit nga arma e zjarrit me ç’rast gjeti vdekjen, ndodhi sonte në Vushtrri, njofton “Mitropol”.
“Mitropol” mëson ekskluzivisht se personi i vrarë është Ardit Zymeri.
Vrasjen për “Mitropol” e konfirmoi zyrtarisht edhe Policia e Kosovës.
”Sonte, rreth orës 20:35 minuta, policia ka pranuar informatën për të shtëna nga arma e zjarrit, ngjarja ka ndodhur në rrugën ” Galip Badivuku” ne Vushtrri.”, tha zëdhënësi i Policisë për Mitrovicën e Jugut, Avni Zahiti për “Mitropol”.
“Nga hetimet fillestare behet e ditur se si pasojë e plagëve të pësuara nga arma e zjarrit ka humbur jetën viktima mashkull/ kosovar rreth 19 vjeçar.
Njësitet përkatëse policore ndodhen ne vendin e ngjarjes dhe janë në kërkim të personit të dyshuar.”, shtoi Zahiti.
Por, siç merr vesh “Mitropol”, Policia sapo ka kryer arrestimin e të dyshuarit.
“Mitropol” poashtu ka mësuar ekskluzivisht se dyshuari i arrestuar për vrasjen e sontme ështe Bleon Dibrani.
Ngjarja siç mëson “Mitropol” dyshohet se ka derivuar nga një ngjarje tjetër e disa ditëve më parë në një nga shkollat e mesme të Vushtrrisë./Mitropol/
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
