EKSKLUZIVE: Vajza e Beg Rizajt u godit nga vetura, po e ndjekte shoferen me thikë në dorë

Mbrëmë në orë të vona të mbrëmjes një incident trafiku ka ndodhur në lagjen Pejton pranë “Hotel Prishtina” ku një veturë ka goditur një vajzë.

Burime ekskluzive të “Mitropol” brenda Policisë së Kosovës njoftojnë se vajza që është goditur nga vetura është vajza e ish-themeluesit të Grupit të Kumanovës, Beg Rizajt.

Beg Rizaj, ishte njëri ndër pjesëmarrësit dhe besohet organizator i “Grupit Kumanova”, grup i cili më 9 maj të vitit 2015, kishin zhvilluar luftime me forcat e Sigurisë të Maqedonisë, ku Rizaj mbeti i vrarë.

”Mitropol” ka mësuar nga burime brenda Policisë se kjo goditje ishte e qëllimshme dhe kishte për motiv një përleshje mes Rizajt dhe vajzave që e goditën me veturë, pasi siç njoftojnë këto burime, Rizaj po e ndiqte shoferen e veturës me thikë në dorë.

Pas incidentit Rizaj dhe shoferja e veturës që e goditi Rizajn pas ndjekjes që iu bë me thikë dhanë deklaratë në Policinë e Kosovës./Mitropol/