Një person i dyshuar është arrestuar gjatë ditës së sotme tek Ura e Bistricës në veri të Kosovës.
I arrestuari po dyshohet për armëmbajtje pa leje.
Sipas zëvendësdrejtorit të Policisë të Drejtorisë Rajonale Mitrovicë – Veriu, Veton Elshani, i dyshuari kishte ekspozuar armën në rrjete sociale.
“Tek i dyshuari nuk e kemi gjetur armën, mirëpo ai e kishte ekspozuar atë në rrjete sociale” – ka thënë Elshani.
Arma në fjalë është një pushkë automatike.
Zëvendësdrejtori Elshani ka thënë se i dyshuari është ndaluar për 48 orë.
