Është vetë jetim mirëpo sot dhuroi 1250 euro për t’i blerë 125 çanta shkollore për jetimët mitrovicas

Sot ka ndodhur njëri nga gjestet më të bukura në qytetin e Mitrovicës, shkruan Mitropol.

Një burrë në moshën madhore që është rritur vetë jetim ka dhuruar plotë 1250 euro për blerjen e 125 çantave shkollore për fëmijët jetim në Mitrovicë.

“Dhurat prej ni vllaut qe osht rrit jetim”, shkroi burri në moshën madhore.

Këtë e ka publikuar Liridon Kurti, mitrovicasi që po qëndron në krye të iniciativës për blerjen e çantave për jetimët.

Postimi i Liridon Kurtit në facebook:

“Zakonisht shumica e donatorëve po insistojnë mos me i publiku, por kësaj rradhe nuk mundem pa e publiku. Ky mesazh sa më gëzoi po aq edhe më emocionoi. Një donator do të dhurojë 1250 euro për 125 çanta për jetimat. E veçanta e këtij donacioni është që edhe donatori është rritur jetim dhe nuk e ka harruar gjendjen në të cilën ka qenë më herët.

Zoti e shpërbleftë atë dhe të gjithë donatorët tjerë❤”