Sot, në palestrën “Minatori” në Mitrovicë, Klubi i Basketbollit Trepça zhvillon ndeshjen ndërkombëtare ndaj ekipit gjerman Basketball Löwen Braunschweig, në kuadër të FIBA Europe Cup.
Takimi do të zhvillohet me fillim nga ora 18:30, dhe atmosfera pritet të jetë e zjarrtë, pasi tifozët mitrovicas janë mobilizuar për të mbushur palestrën dhe për të përkrahur skuadrën e tyre në këtë përballje të rëndësishme evropiane.
Nga klubi është bërë thirrje që qytetarët të jenë të pranishëm në numër sa më të madh për ta treguar fuqinë dhe bashkimin e Trepçës, nën moton: “Evropa është këtu. Bashkë për Trepçën!”
