Kandidati i PDK-së për kryetar të Vushtrrisë, Ferit Idrizi ka nisur sot ditën mbarë.
Ai ka marrë pjesë në ceremoninë e gurthemelit të parqeve solare në Vushtrri, një projekt i rëndësishëm energjetik dhe ekonomik që do të ndikojë drejtpërdrejt në zhvillimin e komunës së Vushtrrisë.
Ky investim me kapacitet prej 22 megavatësh do të realizohet nga kompanitë Esha Energy dhe Mdynamic Solutions, me investitorë Bekim Shyti dhe Arten Bajrushi dhe ka vlerë 10 milionë euro.
Komuna e Vushtrrisë ka ofruar bashkëpunim të plotë për këtë projekt, i cili pritet të hapë vende të reja pune, të sjellë energji të gjelbër dhe të kontribuojë në zhvillimin e qëndrueshëm të komunës.
