Kandidati për kryetar komune në Vushtrri nga radhët e PDK-së, Ferit Idrizi sot ka takuar 15 vjeçaren Alea Krasniqi e cila disa ditë më parë i ka ofruar ndihmën e parë një personi të shtrirë në rrugë, shkruan Mitropol.
Për aktin humanitar që ka bërë 15 vjeçarja, Idrizi i ka dhuruar asaj mirënjohje.
Postimi i plotë:
Sot pata nderin të takoj 15-vjeçaren me zemër të madhe Alea Krasniqin, së bashku me prindërit e saj.
Alea që vijon mësimet në Shkollën e Mesme të Mjekësisë, disa ditë më parë, duke i ofruar ndihmën e parë një personi të shtrirë në rrugë, ndihmoi që i njëjti të mbijetojë, një fakt i konfirmuar nga ekipi i emergjencës që mbërriti në vendin e ngjarjes. 🩺
Në shenjë mirënjohjeje për këtë akt të jashtëzakonshëm human, pata kënaqësinë t’i ndaj Aleas një mirënjohje në emër të komunës. 📄
Ky veprim i saj na kujton të gjithëve se guximi, përgjegjësia dhe humanizmi nuk kanë moshë.
Faleminderit Alea. Të rinjtë sikur ti janë krenaria jonë më e madhe! 🤝🏻
