Kandidati i PDK-së për kryetar të Vushtrrisë, Ferit Idirizi ka vizituar fabrikën “Eco Tech” për të cilën tha se është një nga shembujt më të mirë se si përkushtimi dhe puna e ndershme sjellin zhvillim e vende pune për qytetin e Vushtrrisë.
“Në këtë kompani u pritëm ngrohtësisht nga pronari Suphi Metëhiu bashkë me ekipin e tij.”, tha Idrizi.
Ai potencoi se është frymëzim të shohësh se si një kompani nga Vushtrria po prodhon me cilësi të lartë ngjyra dhe llaqe vendore, nga ato industriale për metal e dru, deri te ngjyrat dekorative për hapësirat e brendshme e të jashtme.
“Faleminderit për mikpritjen dhe për punën që po bëni çdo ditë për ekonominë e Vushtrrisë!”, tha Idrizi në fund të takimit.
