Gjergj Beka i AKR-së kërkon votën e mitrovicasve për Arian Tahirin kryetar

Bartësi i listës së AKR-së në Mitrovicë, Gjergj Beka ka kërkuar nga qytetarët që votën e tyre për kryetar t’ia japin Arian Tahirit.

Në mbyllje të fushatës, ai ka falënderuar gjithë qytetarët e Mitrovicës që i mbështetën gjatë këtyre ditëve të fushatës.

“Nesër është dita e votimit, dhe është koha që të gjithë të dalim dhe të përdorim të drejtën tonë të votës për të përcaktuar të ardhmen e fëmijëve tanë dhe të qytetit tonë.”, shkroi Beka.

“🗳️ Votoni listën e AKR-së për Asamblenë Komunale me nr. 122 dhe Arian Tahirin për Kryetar të Komunës.

Le ta bëjmë Mitrovicën një vend më të mirë për të gjithë! 🌟”.