Tuesday, August 18, 2026
Medi
KOSOVËLAJME

Gjinovci tallet me Kurtin: Ta shkruft i Madhi sevap secilën nirthtje t’natës t’promshit jarabi

Mitropol

Aktivisti Rron Gjinovci ka bërë sarkazëm me një deklaratë të kryeministrit të Kosovës, Albin Kurti, në lidhje me krizën energjetike që ka kapluar vendin.

Kurti në një konferencë për media tha se mbrëmë, për të kursyer rrymën, është mbuluar me një batanije kur ka shkuar vonë në shtëpinë e tij. Gjinovci është tallur me këtë deklaratë.

Dukato 1

“Mbrëmë kur kam shkuar vonë në shtëpi jam ngrohur vetëm me batanije” – tha Kurti.”, e ka cituar Gjinovci Kurtin në një shkrim në Facebook.

“Ta shkruft i Madhi sevap secilën nirthtje t’natës t’promshit jarabi. Amin ishalla!”, ka shkruar tutje ai.

Po ashtu, në këtë konferencë ai po ashtu bëri thirrje për kursim të rrymës. Kurti bëri të ditur se qeveria do të mbulojë importin e rrymës për të evituar krizën.

Në anën tjetër, Gjinovci ka kritikuar edhe këtë veprim të qeverisë.

Fillimisht, Gjinovci tha se kriza energjetike është problem i një kompanie private, jo e jona. Pastaj, vazhdoi duke thënë se kryeministri ynë “i majtë” ka vendosur që t’i japë para publike dhëndrit të Erdoganit, për t’ia mbuluar profitin.

“Kryeministri Kurti, nga sot i vetëquajtur “i majtë”, në emër të “krizës”, e cila në fakt është krizë e KEDS-it, e nji kompanie private, jo e jona, ka vendosë me ia mbulu profitin me pare publike dhondrrit të Erdoganit që është pronar i saj”, është shprehur Gjinovci.

Tutje, Gjinovci tha se ky ishte momenti kur duhej vepruar për ta kthyer në pronësi publike këtë kompani private.

“Kaq e thjeshtë: me pare t’mija dhe t’jujat ruhet profiti i atyne që e kanë “privatizu egër” siç ka qef me thonë Kryeministri kryesisht gjatë zgjedhjeve. E drejtësia dhe “hajnat në burg” që na i pate premtu Kryeministër? Mujte me e kthy kompaninë në pronësi publike, ky ishte rasti”, shkroi Gjinovci.

Koha

NGA KATEGORIA