Glauk Konjufca sot pati një mysafir të veçantë, për nder të 7 Marsit ai priti në zyre mësuesin e tij

Kryetari i Kuvendit të Kosovës, Glauk Konjufca, sot ka pasur një mysafir të veçantë në zyrën e tij, shkruan Mitropol.

Atë e ka vizituar mësuesi i parë i tij, Hamdi Salihu, i cili ka kontribuar mjaftë shumë për arsimin në gjuhën shqipe.

Së bashku me Salihun, në vizitë te Konjufca ishin edhe dy shokët e tij të bankës, Alban Avdiu dhe Besnik Reqica.

Këtë vizitë Konjufca e bëri të ditur përmes një postimi në Facebook.

Postimi i plotë:

U gëzova pa masë nga vizita e mësuesit tim të parë, Hamdi Salihu, në Kuvend. Me të ishin edhe dy shokët e mi të bankës, Alban Avdiu e Besnik Reçica.

Ne jemi me fat që ishim nxënës të mësuesit Hamdi, një veteran i madh i arsimit. Në vitin 1952 ai ishte nxënës i poetit tonë të shquar – Din Mehmetit. I frymëzuar nga ai mësuesi ynë shkroi me qindra vjersha për fëmijë dhe poezi. Vjershën e tij të parë e botoi në revistën e mirënjohur për femijë, Pionieri, në vitin e largët 1954.

I falënderoj shokët e mi, Albanin e Besnikun, që para ca ditësh ia botuan mësuesit Hamdi vjershat e tij në 4 vëllime.

I dëshirojmë mësuesit tonë të dashur 83 vjeçar jetë të gjatë dhe suskese të mëtejme në veprimtarinë e tij!

Urime 7 Marsi!