Gruaja në Mitrovicë pëson dhunë fizike dhe psikike nga bashkëshorti, i dyshuari dërgohet në mbajtje

Dhuna në familje vazhdon të mbetet një nga damkat më të mëdha të shoqërisë kosovare. Çdo ditë në Polici raportohen raste të grave që përjetojnë dhunë në forma të ndryshme nga personat të cilët i kanë zgjedhur të ndajnë jetën me ta, por edhe nga anëtarët tjerë të familjes.

Kështu dje një grua në Mitrovicë të jugut e ka denoncuar bashkëshortin e saj në polici, shkruan Mitropol.

Ndaj saj raportohet të jetë ushtruar dhunë fizike dhe psikike nga bashkëshorti i saj.

I dyshuari është dërguar në mbajtje dhe rasti është iniciuar si “Dhunë në familje”.