Hoxha nga Mitrovica, Dr. Faruk Sinani, është në gjendje të rëndë shëndetësore për faktin se virusi korona e ka prekur edhe atë, raporton Mitropol.
Hoxha i respektuar i qytetit është infektuar me covid-19, teksa gjendja e tij shëndetësore është rënduar mjaftë shumë ditëve të fundit. Këtë lajmë e ka bërë të ditur një hoxhë tjetër i respektuar në qytet Shkelzen Hoxha.
Hoxha, përmes një postimi në Facebook ka kërkuar nga të gjithë besimtarët myslimanë që në namazet dhe duatë e tyre të mos e harrojnë edhe Dr. Faruk Sinanin, pasi që ky i fundit ka nevojë për duatë dhe lutjet e besimtarëve.
Postimi i plotë:
Të dashur dhe të respektum vëllezër musliman, duke e ditë rëndesinë e duasë, dhe kur e dimë se duaja vie me dobi të shumta, gjithashtu duke shpresu ne pranimin e duave të besimtarëve të mirë, ju kisha lutë që të bëni dua për hoxhën nga Mitrovica dr. Faruk Sinanin, hoxha është i infektum me COVID19 dhe gjendja e tij është rëndu bajagi së fundmi.
Ju lutem mos e harroni në dua, në sexhdet tuaja, pas namazeve tuaja, mes ezanit e ikametit, e në pjesën e fundit të natës.
Allahu ju shpërbleftë, e hoxhës Faruk Allahu ja lehtësoftë gjendjen e i dhashtë sherim të shpejt!
