I arrestuari për ryshfet në Agjencinë e Prokurimit është burri i motrës të deputetes Blerta Deliu
Dy zyrtarë të Agjencisë Qendrore të Prokurimit janë arrestuar të premten nën dyshimin për korrupsion. Njëri nga të arrestuarit është Mursel Raci, drejtor për prokurime të veçanta në AQP, ndërsa tjetrin Arian Buçaj.
Veriu.info mëson se Arian Bucaj është burri i motrës të deputetes së PDK-së, Blerta Deliu. Pra, Arian Buçaj është i martuar me motrën e Blerta Deliut, Valmirën.
Arian Buçaj ka pozitën e Udhëheqësit të sektorit të Prokurimit në AQP.
Ndryshe, mbrëmë u raportua se i arrestuari tjetër, Mursel Raci, drejtor për prokurime të veçanta në AQP, ishte arrestuar edhe në vitin 2016 sa punonte drejtor në AQP për keqpërdorim të detyrës zyrtare, por më pas ishte lënë i lirë.
Valmirë Deliu disa vite kishte punuar si gazetare, për t’u punësuar më pas në Aeroportin e Prishtinës, ndërsa më vonë kishte lënë punën aty pasi që ishte punësuar në Kuvendin e Kosovës.
