“I kemi rrëzuar tri veprat më të rënda”: Avokati Hoxha jep detaje për dy serbët e përfshirë në sulmin ndaj KFOR-it
Avokati Asdren Hoxha ka dhënë detaje lidhur me dënimin e dy serbëve për huliganizëm ndaj KFOR-it.
Hoxha që ishte mbrojtës i dy të akuzuarve, deklaroi se i kanë rrëzuar tri veprat më të rënda për të cilat akuzoheshin klientët e tij.
“Sot kemi pasur një seancë fillestare lidhur me aktakuzën e Prokurorisë Speciale të Republikës së Kosovës lidhur me ngjarjet e 29 majit të vitit të kaluar përballë komunës së Zveçanit. Siç e dini, në atë incident u arrestuan Radosh Petroviq dhe Dushan Obrenoviq, të cilët dyshoheshin për katër vepra penale gjatë hetimeve, gjë që ishte një situatë shumë e vështirë në fillim. Për Sulm ndaj rendit kushtetues, sulm ndaj personelit ndërkombëtar nën mbrojtje ndërkombëtare, bëhet fjalë për KFOR-in, sulm ndaj zyrtarëve dhe si vepër e katërt në pikën e katërt, Pjesëmarrja në turmë që kryen vepra kriminale ose huliganizëm. Në kuadër të hetimeve arritëm të rrëzojmë tre krimet më të rënda në këtë rast dhe e vetmja gjë që ka mbetur është se ata kanë qenë në protestë dhe ajo protestë është përshkallëzuar dhe ajo protestë ka rezultuar në kryerjen e një vepre penale ose huliganizëm. sulm ndaj ushtarëve të KFOR-it. Pra ne u pajtuam që të lidhim marrëveshjen për pranimin e fajësisë për atë vepër, pika 4 nga neni 404 i Kodit Penal të Kosovës”, tha Hoxha, raporton Kosovo Online.
“Aktakuza ka ardhur në gjykatë me marrëveshjen për pranimin e fajësisë që gjykata e ka miratuar. Sa i përket Radosh Petroviqit, ai është gjashtë muaj burg, i cili është shndërruar në gjobë, ndërsa për Dushan Obrenoviqin ai tashmë e ka vuajtur dënimin”, tha Hoxha.
