Të hënën më 6 Dhjetor në ora 10.00 mbahet mbledhja inauguruese e Kuvendit Komunal të Vushtrrisë në të cilin kryetari i zgjedhur më 14 Nëntor, Ferit Idrizi, do të jap betimin si kryetar i Vushtrrisë.
Në këtë mbledhje pritet të japin betimin edhe anëtarët e Kuvendit Komunal të dalë nga votat e zgjedhjeve të 17 Tetorit.
Për të qeverisur Idrizit i duhet shumicë e thjeshtë e votave në Kuvendin Komunal në mënyrë që të kaloi vendime si ai miratimit të buxhetit të komunës.
Deri më tani ende nuk është zyrtarizuar asnjë koalicion i mundshëm në mes të Idrizit apo ndonjëres nga partitë opozitare të Kuvendit komunal si LDK apo LVV.
Sfida e parë e Idrizit është ajo e miratimit të buxhetit për të cilën i duhen 18 vota në mënyrë që të miratohen mjetet e destinuara për vitin 2022.
