Thursday, April 30, 2026
Medi
KOSOVËKULT'ARTLAJME

Kaq para i kushtoi Komunës së Prishtinës mbishkrimi “Mirë se Vini në Prishtinë”

Mitropol

Drejtoresha e Shërbimeve Publike në Prishtinë, Medina Braha ka folur për shenjën “Mirë se vini në Prishtinë”, e cila është bërë në hyrje të kryeqytetit.

Ajo tha se ky projekt është realizuar në kuadër të një projekti më të gjerë që ka të bëjë me dekorimin e qytetit.

Active 1

“Ky është një projekt që është duke u realizuar në kuadër të një projekti më të gjerë që ka të bëjë me dekorimin e qytetit, kryesisht përmes gurëve dekorativ. Kemi filluar me “Mirë se vini në Prishtinë”, kjo ka qenë ideja që të fillohet me një mbishkrim të tillë, ku Prishtina si kryeqytet ta ketë një mbishkrim që i uron mirëseardhje kujto qe vjen këtu. Duke marrë parasysh se është kryeqytet e kemi bërë edhe në gjuhën angleze që ta kupton kushdo që vjen këtu”, tha ajo.

Braha deklaroi se ky projekt është planifikuar në fillim të vitit.

“Ky projekt është planifikuar qysh në fillim të vitit, pastaj së bashku me stafin e kemi identifikuar edhe lokacionin se cili do të ishte më i përshtatshëm, sepse jo secila hyrje e mundëson duke qenë se nuk ka hapësirë”, tha ajo.

Braha tha se do të ketë projekte të ngjashme edhe në lokacione të tjera.

“Si mbishkrim duhet të jetë nëpër hyrje të qytetit, ky ka qenë lokacioni më i përshtatshëm. Është e vështirë të gjendet edhe një lokacion tjetër sepse një shkronjë është 2 metra e gjatë, pra është një hapësirë e madhe që nevojitet. Në rrugën B i kemi dy ndërhyrje që po i bëjmë në kuadër të këtij projekti. Tek rrethi atje jemi duke e rregulluar në tërësi, do të ketë gjelbërim më shumë. Jemi duke dekoruar me gurë të Gllarevës”, u shpreh ajo.

Tutje, Braha u tregoi se mbishkrimi tek hyrja e Prishtinës ka kushtuar 8 mijë euro./KlanKosova/

Weelnes

NGA KATEGORIA