Skuadra e KB Trepçës ka zhvilluar seancën e fundit stërvitore në EWE Arena në Gjermani, në prag të ndeshjes së sotme në kuadër të FIBA Europe Cup, e cila do të luhet në orën 18:30.
Atmosfera në kampin e gjelbër është në nivelin më të lartë, me energji, përqendrim dhe unitet të plotë në mesin e lojtarëve, që po përgatiten për një tjetër përballje të rëndësishme në arenën evropiane.
Me moton “Të bashkuar si slogani ynë”, klubi mitrovicas thekson se besimi dhe përkushtimi i ekipit janë çelësi për suksesin në këtë sfidë.
