Gjatë ditës së sotme, Komuna e Mitrovicës ka shpallur thirrjen për aplikim për çmimin “Lah Nimani’.
Sipas njoftimit, afati për aplikim është shtatë ditë nga dita e shpalljes.
“Të drejtë konkurrimi kanë të gjithë krijuesit, sportistët e shquar që kanë dhënë kontribut të veçantë në sport, ata që kanë krijuar një personalitet të lartë, që kanë ndikuar në zhvillimin e sporteve dhe kanë bërë përgatitjen e brezave”, thuhet në njoftim.
Bëhet e ditur se të drejtë aplikimi kanë të gjitha klubet e shoqatat sportive dhe grupet sportive që përfaqësojnë nivelet më të gjera të komunitetit.
Tutje thuhet se çmimin “Lah Nimani” e dorëzon kryetari i Komunës së Mitrovicës, Bedri Hamza dhe personi i autorizuar prej tij.
