Komuna e Vushtrrisë ka shpallur konkurs publik për pozitën “Zyrtar për invalid të luftës dhe familje të dëshmorëve”, në kuadër të Sektorit për Shëndetësi.
Sipas konkursit të publikuar në faqen zyrtare të komunës, aplikimi është i hapur për të gjithë kandidatët e interesuar nga data 8 nëntor deri më 7 dhjetor 2025. Pozita i takon grupit të administrimit të përgjithshëm me arsim të lartë dhe është e kategorizuar në klasën profesionale 2 me koeficient page 5.95.
Punësimi do të bëhet me afat të pacaktuar, ndërsa institucioni përgjegjës për zhvillimin e procedurës së rekrutimit është Komuna e Vushtrrisë.
