Minuta më parë është ardhur vendimi se Sami Lushtaku nuk mund të jetë kandidat i PDK-së për Kryetar të Komunës së Skenderaj, shkruan Mitropol.
Mediat vendore raportuan se Lushtaku ishte tërhequr nga gara mirëpo këtë e refuzoi vetë Lushtaku përmes një bisede telefonike që pati me gazetarët e njërës nga mediumet vendore.
Burimet e MITROPOL brenda degës së PDK-së në Skenderaj sapo kanë konfirmuar për MITROPOL se tashmë është vendosur që kandidat i PDK-së për Skenderaj të dalë Fadil Nura.
Nura që tashmë është edhe deputet i Kuvendit të Kosovës njihet si person i afërt me Sami Lushtakun.
Se a do të arrijë Fadil Nura ta mposht Bekim Jasharin mbetet të shihet. /Mitropol/
