KOSOVËLAJME

Konflikti në trafik, ky është i riu që u arrestua pasi u prezantua rrejshëm si polic

Foto ilustrim

Nuk janë të rralla rastet kur qytetarë të shumtë prezantohen rrejshëm si zyrtarë, me qëllimin për të qëruar hesape, për të përfituar dobi pasurore apo për të dalë nga telashet në të cilat futen. Një rast i tillë dyshohet se ka ndodhur të hënën, në rrugën “UÇK” në Prishtinë.

Këtë herë një 33-vjeçar po dyshohet se e ka kanosur një person, të cilit më pas i është prezantuar si zyrtar i Policisë, pasi u përfshi në një konflikt në komunikacion.

Florenti Company
Market Florenti
Koha

Burimet e Sinjalit brenda Prokurorisë kanë bërë me dije se bëhet fjalë për të dyshuarin Lorik Bajrami, i cili tashmë ndodhet nën masën e ndalimit policor.

Sipas informacioneve të para, Bajrami po dyshohet se pasi ishte kapur me viktimën në trafik, të njëjtit i është prezantuar si zyrtar policor, e më pas e ka ekspozuar edhe një mjetë të mprehtë.

Përballë kësaj situate, pasi rasti është denoncuar, Policia ka arritur që të sigurojë prezencën e personit të dyshuar, i cili më pas është shoqëruar në stacion policor.

Ndaj tij, Prokurori i Shtetit ka urdhëruar që i dyshuari të dërgohet në mbajtje dhe të iniciohet rasti në drejtim të tri veprave penale “Prezantimi i rremë si person zyrtar”, “Kanosje” dhe “Armëmbajtje pa leje”.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.