Policia e Kosovës po vazhdon të monitorojë qytetarët se sa po i respektojnë masat e vendosura nga Qeveria e Republikës së Kosovës kundër virusit covid-19, shkruan Mitropol.
E pas shtrëngimit të masave duket se Policia e Kosovës po e aplikon edhe një formë tjetër të dënimit të qytetarëve. PK ka angazhuar në detyrë policë civil të cilët po duken si qytetarë të thjeshtë, mirëpo që në fakt janë ata të cilët po e shkruajnë dënimin për qytetarët të cilët nuk po bartin maska.
Andaj, luten qytetarët e Mitrovicës dhe qytetarët e qyteteve të tjera që ta bartin maskën dhe t’i respektojnë masat e vendosura nga Policia e Kosovës sepse në të kundërtën dënimet do të jenë të pashmangshme. /Mitropol/
