Ky është 65 vjeçari serb i arrestuar nga Policia, iu gjet armë në shtëpi

Policia e Kosovës sot ka sekuestruar një pushkë gjuetie M48 me municion nga një person në Zveçan.

Veç pushkës, në shtëpinë e personit të dyshuar është gjetur edhe një pistoletë e vogël dhe një bluzë e organizatës terroriste “Mbrojtja Civile”.

Lajmin për Mitropol e ka konfirmuar zëvendësdrejtori i Policisë për rajonin e veriut, Veton Elshani.

Policia e Kosovës ka arrestuar një person në lidhje me rastin.

Elshani për Mitropol ka thënë se i arrestuari me inicialet R.A është ndaluar për 48 orë.

I arrestuari është një 65 vjeçar, i lindur më 1960 në fshatin Korije të komunës së Zveçanit.