Dje është arrestuar Driton Bekteshi nga Vushtrria i cili prej muajsh është në kërkim policor pasi kishte plagosur djalin e tij më 28 korrik të këtij viti në Stanoc.
Kështu ka njoftuar Prokuroria Themelore e Mitrovicës përmes një komunikate, ku ka thënë se D.B. është arrestuar nën dyshimin e veprave penale “Vrasje e rëndë në tentativë” dhe “Mbajtja në pronësi, kontroll ose posedim të paautorizuar të armëve”.
Policia arreston babain nga Mitrovica, dyshohet për vrasje të rëndë në tentativë ndaj birit të tij
I njëjti me vendim të prokurorit gjendet në mbajtje për 48 orë.
Brenda afatit të paraparë ligjor Prokuroria Themelore në Mitrovicë do të paraqes pranë gjykatës kompetente kërkesë për masën e sigurisë për të pandehurin./Mitropol/
