Ky është zyrtari policor që dyshohet se vrau me kallash një person në dasmë – dorëzohet në Polici
Foto Ilustrim
Ferizaj është tronditur pasditen e sotme pasi një incident në fshatin Bibaj në një dasmë, ka përfunduar me tragjedi.
Një person ka mbetur i vrarë jashtë oborrit të një restoranti ku po mbahej një dasmë.
Sinjali mëson se personi që dyshohet se ka ekzekutuar një person me armë, është Besim Ramadani, zyrtar policor.
Ai dyshohet se privoi nga jeta burrin e tezes së tij, për motive akoma të panjohura, teksa është dorëzuar në Polici pas krimit të rëndë.
Siç merr vesh Sinjali, ai kishte qenë jashtë detyrës zyrtare në momentin që ka ndodhur krimi.
I dyshuari tashmë është dorëzuar në stacion policor.
