LAJM I MIRË: Qeveria ndan 500 mijë euro për renovimin e objektit të Gjykatës në Mitrovicën e Jugut
Pas miratimit të buxhetit për vitin 2022, Qeveria e Kosovës ka ndarë 500 mijë euro për renovimin e objektit të Gjykatës Themelore në Mitrovicën e Jugut.
Kjo ndarje buxhetore është bërë në kuadër të projekteve kapitale për nivelin qendror të Kosovës, raporton Kallxo.
Ministri i Financave, Hekuran Murati, tha se buxheti ka për qëllim riorientimin e ekonomisë drejt eksportit.
Ndryshe, objekti që gjendet në Mitrovicën Jugore ku funksionon një pjesë e Gjykatës Themelore të Mitrovicës, përkatësisht Departamenti Civil, ai për Kundërvajtje dhe për të Mitur është në gjendje të mjerueshme.
