Policia ka konfirmuar se gjatë hetimeve kanë identifikuar edhe tre persona të tjerë të cilëve me urdhër të prokurorit u është caktuar masa e ndalimit policor prej 48 orëve.
“Hetimet për zbardhjen e plotë të rrethanave të rastit janë duke vazhduar nga Sektori Rajonal i Hetimeve DRP Mitrovicë Jug, në bashkëpunim me prokurorin”- ka thënë Avni Zahiti, zëdhënës i Policisë së Kosovës për rajonin e Mitrovicës.
Dje “Mitropol” raportoi se një nga të plagosurit po trajtohet në mjekim intensiv dhe është në gjendje të rëndë.
“Mitropol” mësoi dje se i plagosuri tjetër është transferuar në Klinikën e Ortopedisë në gjendje më të mirë.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata
