Një shpërthim ka ndodhur para pak çastesh në zyrat qendrore të KEDS-it në Prishtinë, ku edhe një person është lënduar.
Një gjë të tillë e ka konfirmuar edhe zëdhënësi i KEDS-it, Viktor Buzhala, duke treguar se i lënduari është dërguar në spital.
Në njoftimin e KEDS-it thuhet se shpërthimi ka ndodhur në nënstacionin Prishtina 6, gjatë procesit të rregullimit të një prishjeje.
Punëtori sipas KEDS-it është jashtë rrezikut për jetë.
“Gjatë procesit të rregullimit të një prishjeje që furnizon një pjesë të lagjes Ulpiana, ka ndodhur një aksident në nënstacionin Prishtina 6 110/10KV. SI pasojë e këtij aksidenti një punëtor i KEDS është lënduar. Fatmirësisht, sipas informative që kemi marrë nga emergjenca që punëtori ynë është jashtë rrezikut për jetë. Nënstacioni për shkak të këtij aksidenti për momentin është jashtë pune. Ky nënstacion përfshinë daljet që furnizojnë qendrën, Ulpianën dhe një pjesë e Bregut të Diellit, Dardanisë dhe Aktashit. Ekipet tona tanimë janë duke punuar në rregullimin e prishjes dhe energjizimin e nënstacionit”, thuhet në njoftim.
