Pak minuta më parë një aksident komunikacioni ka ndodhur në Prishtinë, tek bulevardi “Dëshmorët e Kombit”, rruga që dërgon tek Katedralja, njofton “Mitropol”.
Në aksident është përfshirë një veturë dhe një këmbësore.
Gazetarja e “Mitropol” ishte në vendin e ngjarjes dhe raporton se personi që ishte duke vozitur veturën ishte në moshë pak të shtyer, gjersa këmbësorja ishte një vajzë e re në moshë.
Menjëherë pas aksidentit në vendin e ngjarjes kanë arritur ekipet shëndetësore dhe kanë intervenuar menjëherë.
Vajzës së re në ndihmë i dolën edhe kalimtarët, gjersa siç raporton gazetarja jonë, këmbësorja nuk ka pësuar lëndime të rënda dhe ndodhej në vetëdije të plotë gjatë bartjes në spital./Mitropol/
