Ministri i Jashtëm i Rusisë, Sergei Lavrov, në Forumin e së Ardhmës 2050 në Moskë, tha se Kosova është shkëputur nga Serbia pa vullnetin e popullit dhe sipas tij, ky ka qenë një veprim i padrejt i kryer nga Perëndimi, shkruan Mitropol.
Ai e përdori si rast pavarësinë e Kosovës, shkruan Sinjali, për ta arsyetuar agresonin rus në Ukrainë. Ai akuzoi Europën për mbështetje të “sulmeve terroriste” dhe për fushatën për shuarjen e gjuhës ruse në rajonet e Donbasit dhe të Krimesë.
Lavrov përmendi veçanërisht Britaninë e Madhe, si një ndihmës të fortë të Ukrainës në këto operacione.
Ata u mbështetën në parimin e vetëvendosjes së popujve, në faqen e parë të Kartës së OKB-së. Përmes këtij parimi, në një situatë ku nuk kishte luftëra, as rreziqe konflikti të armatosur, ata e morën dhe e shkëputën Kosovën nga Serbia dhe thanë – është e drejta e vetëvendosjes së popujve. Edhe pse atje nuk pati referendum, askush atje nuk u vetëvendos.”, tha Lavrov./Mitropol/
