KOSOVËLAJME

LDK-ja nis mobilizimin “për rrugën pa Kurtin”, me gazetarë e analistë

Lidhja Demokratike e Kosovës ka nisur mobilizimin për takimet, që siç i ka konsideruar ajo, “për kapërcimin e izolimit dhe krizës”, për të cilin e fajësojnë kryeministrin Albin Kurti. Të mërkurën, mobilizimi i partisë opozitare ka nisur me një takim me gazetarë dhe analistë që po mbahet në një nga hotelet e Prishtinës.

Kryetari i LDK-së, Lumir Abdixhiku, pati paralajmëruar në fundjavë për nisjen e “një rruge të re, pa Albin Kurtin”. Për këtë rrugë, ai ka thënë se kanë marrë mbështetje të madhe nga akterët e ftuar.

Koha
Florenti Company
Market Florenti

LDK-ja ka krijuar platformën e “rrugës së re” si mjet për t’iu kundërpërgjigjur “politikave përplasëse të Qeverisë së Kosovës me aleatët historik të saj – dhe së këndejmi, rrezikimit të shtyllave qenësore të sovranitetit dhe vet shtetësisë sonë”.

Të mërkurën, gazetarë e analistë vendorë janë parë duke marrë pjesën në takimin e thirrur nga LDK-ja.

Takimi i dytë pritet të mbahet me organizata të shoqërisë civile, i treti me profesorë universitarë e ish-diplomatë dhe i katërti me biznese nga sektori privat në vend./KOHA/