LVV si pushtetare, mburret se po kursen ujë, harxhon derivate sa dhjetëra rroga minimale

Këtë vendim e mirëpriti deputetja tjetër e VV-së, Yllëza Hoti, e cila publikoi foto ku shihej një shishe me ujë në Kuvend, por këtë herë shishja nuk u pagua me paratë e shtetit – sigurisht për ta kursyer buxhetin e shtetit.

Atë fotografi, deputetja Hoti e fshiu nga Tëitteri, pasi doli që kishte harxhuar rreth 900 euro derivate për nëntor-dhjetor të 2021’s. Natyrisht, këto ia kishte kompensuar shteti.

Deputetja e VV-së Yllëza Hoti, nuk ka qenë figurë shumë e përmendur në media. Madje deputete ishte bërë vetëm pas zgjedhjes së presidentes, kur Osmani ia lëshoi karrigen.

Por, pas publikimit të shpenzimeve të deputetëve për të marrë pjesë në seanca dhe komisione, emri i Yllëza Hotit figuronte si një nga deputetët që shpenzoi më së shumti para nga buxheti i shtetit – të cilin VV-ja vendosi ta kursejë duke marrë ujë nga shtëpia.

E me t’u publikuar këto shpenzime, Yllëza Hoti, u bë një ndër personat me të kërkuar në facebook, në rajonin tonë.

Por, ku jeton deputetja e VV-së e cila shpenzon kaq shumë për të udhëtuar? Në facebook, Hoti kishte shkruar se jeton në Prishtinë. Por, pak orë më vonë, deputetja e ndryshoi vendbanimin e saj për 85 kilometra më larg sallës së Kuvendit – nga Prishtina në Prizren. Në konfuzitet e sipër, deputetja ndërroi prapë mendje për vendbanimin e saj. E rivendosi Prishtinën.

Gazetari Adriatik Kelmendi kërkoi dorëheqjen e deputetes së VV-së, Yllëza Hoti, për arsyet e lartcekura. Pos dorëheqjes, Kelmendi e quajti mashtruese dhe tha se Hoti duhet të kërkojë falje dhe t’i kthejë paratë e buxhetit të shtetit.

Aspak më i butë s’ishte as reagimi i Jusuf Thaçit. Ky i fundit përveç që kërkoi dorëheqjen e deputetëve, u bëri thirrje edhe partive të tyre t’i përjashtojnë nga grupet parlamentare.

Shpenzimet e deputetëve për karburant janë kritikuar edhe nga shumë aktivistë të VV-së.

Zyrtari i kësaj partie, Egzon Azemi, thotë se aktivistët me të drejtë po i kritikojnë shpenzimet e deputetëve.

“Reagimet për shpenzimet e deputetëve me të drejtë po kritikohen nga aktivistët. Anëtarët e subjektëve tjera po çuditën se për ta është krejt normale!”, ka shkruar Azemi në Facebook.

Kanal10 dje ka publikuar listën e shpenzimeve për derivate të deputetëve, qëkanë deklaruar se jetojnë jashtë Prishtinës dhe u duhet të kompensohen për rrugën nga shtëpia në Kuvend.