Macula ec me hapa të shpejtë, nga asistent emërohet kundërligjshëm U.D i kryesuesit të AKKVP në Mitrovicë

Por emrimi i tij është bërë kunderligjshëm, pasi që Macula është avansuar në këtë pozitë, nga pozita e asistentit administrativ, duke u anashkaluar personat të cilat kanë mbajtur pozita më të larta, e të cilët i kanë plotësuar kriteret, për pozitën përkatëse.

Sipas ligjit, për emërimin e ushtruesve të detyrës,  në nenin 35,  Paragrafi 1  thuhet se në rast se një pozitë e nivelit drejtues,  brenda strukturës organizative të institucionit mbetet e lirë, nënpunësja/i  nivelit të lartë drejtues të atij institucioni e cakton me vendim ushtruesen/in e detyrës në pozitën e  lirë.  Ndërkaq  në nenin 2 thuhet se në pajtim me Paragrafin 1 të këtij neni UD mund të caktohet  zyrtari/e më i lartë i kategorisë pasuese, në vartësi të pozitës  që caktohet nga cilado njësi organizative  brenda institucionit.

Por kjo nuk u respektua në rastin e emërimit të Erblin Macules, pasi që emërimi i tij është bërë nga pozita e asistentit administrativ,  në atë të U.D të kryesuesit të Zyrës Regjionale.

 Agjencia Kosovare për Krahasim dhe Verifikim të Pronës, nuk ka dhënë përgjigjje  lidhur me emërimin e Macules në këtë pozitë. Ata nuk janë përgjigjur në pyetjet e “Indeksonline”, se a janë respektuar kriteret dhe se a është bërë emërimi i Maculës, në mënyrë të kundërligjshme.

Ndryshe në vendimin e AKKVP-së të cilin e posdeon “Indeksonline”,  thuhet se Erblin Macula ka përvojë të gjatë të punës në AKKVP, konkretisht në zyren regjionale në Mitrovicë dhe se është njohës shumë i mirë i proceseve dhe se konsiderohet se i plotëson kriteret për të zëvendësuar këtë pozitë./Indeksonline/