KOSOVËLAJME

Mbyllja e tri strukturave paralele, policia jep detaje: U gjeten dokumente me vula të Serbisë

Gjatë ditës se djeshme u raportua se Policia e Kosovës ka mbyllur tri objekte të strukturave paralele serbe në Pejë, Klinë e Istog.

Në raportin e Policisë së Kosovës janë dhënë detaje, se cfarë është gjetur në këto tri vende.

Florenti Company
Market Florenti
Koha

Sipas PK në Videj të Klinës janë hasur dokumente të ndryshme në kundërshtim me ligjet e Kosovës, të cilat kanë pasur logo të Serbisë dhe strukturave ilegale, si edhe janë konfiskuar dy kompjuter llaptop, katër telefona, dy vula, një usb.

“Videj, Klinë 1999-02.02.2024. Drejtoria për Hetimin e Krimit të Organizuar dhe Krimeve të Rënda, ka kryer kontroll në një objekt në Videj Komuna e Klinës, ku gjatë kontrollit janë hasur dokumente të ndryshme që janë në kundërshtime me ligjet e Republikës se Kosovës të cilat kanë logo të Serbisë dhe strukturave ilegale. Në cilësinë e provave materiale janë konfiskuar: 2 kompjuter llaptop, 4 telefona, 2 vula, 1 usb, sasi e konsiderueshme e dokumenteve dhe inventar.” – thuhet në njoftim.

Tutje PK ka bërë të ditur se në Gorazhdec të Pejës janë gjetur gjithashtu dokumente në kundërshtim me ligjet e Kosovës e të cilat kanë pasur logo të Serbisë dhe strukturave ilegale.

Tutje nga policia kanë njoftuar se janë konfiskuar edhe prova materiale.

“Gorazhdec, Pejë 1999-02.02.2024. Drejtoria për Hetimin e Krimit të Organizuar dhe Krimeve të Rënda, ka kryer kontroll në një objekt në Gorazhdec Komuna e Pejës, ku gjatë kontrollit janë hasur dokumente të ndryshme që janë në kundërshtime me ligjet e Republikës se Kosovës të cilat kanë logo të Serbisë dhe strukturave ilegale. Në cilësinë e provave materiale janë konfiskuar: 5 monitorë të kompjuterit, 4 printer dhe fotokopje, 1 makinë shkrimi e dorës, 1 TV, 4 telefona dhe dokumente të ndryshme.” – thuhet në njoftimin e Policisë së Kosovës.

Në raportin 24 orësh të lëshuar nga Policia e Kosovës thuhet se në fshatin Osojan të Istogut, në këtë objekt janë gjetur dokumente në kundërshtim me ligjet e Kosovës dhe me logo të Serbisë.

Në këtë rast është sekuestruar i gjithë inventari që gjendej në objekt dhe është bërë mbyllja e objektit.

“Fsh. Osojan, Istog 02.02.2024. Drejtoria për Hetimin e Krimit të Organizuar dhe Krimeve të Rënda, ka kryer kontroll në një objekt, ku gjatë kontrollit janë hasur dokumente të ndryshme që janë në kundërshtim me ligjet e Republikës se Kosovës të cilat kanë logo të Serbisë dhe strukturave ilegale. Në cilësinë e provave materiale janë sekuestruar i gjithë inventari që gjendej në objekt dhe është bërë mbyllja e objektit. Lidhur me rastin është intervistuar në cilësi të dyshuarit një mashkull serb-kosovar dhe i njëjti pas intervistimit me vendim të prokurorit është liruar në procedurë të rregullt.” – thuhet në njoftim.