Analisti Lirim Mehmetaj ka folur mbi çështjen e vrasjes së Astrit Deharit, e ku, sipas të cilit, ministri Xhelal Sveçla i ka të gjitha mekanizmat për zbulim, por se ka zbuluar ende, sipas tij, vrasësin e Deharit, shkruan Mitropol.
Ai përmendi edhe se si Sveçla, arratisjen e Enver Sekiraçes, e kishte quajtur “largim”.
“Ky deri edhe arratisjen e Enver Sekiraqes e pati quajtur “vetëm largim, jo arratisje”, a për Deharin nuk e bën një hap. “
Postimi i plotë:
Kush e ka vra Astrit Deharin?
Sa herë t’iu del para syve qyky mangup i 50-centve, kujtohuni qysh i ka krejt mekanizmat në dorë dhe nuk pe zgjedh cështjen e vdekjes së Astrit Deharit.
Medemek, shoku i idealit iu vdiq në burg, këta pretendojnë që ua kanë vra, ama interes për me marrë vesh vrasësin nuk kanë.
Ky deri edhe arratisjen e Enver Sekiraqes e pati quajtur “vetëm largim, jo arratisje”, a për Deharin nuk e bën një hap.
Cka ke bo për zbardhjen e rastit të Astrit Deharit?
A?
Kush e ka vra Astrit Deharin?
Kënd e keni shti në burg për vrasjen e Astrit Deharit?
