Një rast i dhunës në familje është raportuar në Mitrovicë, ku një grua ka pësuar lëndime të lehta trupore pas një sulmi fizik nga bashkëshorti i saj. Incidenti ka ndodhur rreth orës 13:00, si pasojë e një mosmarrëveshjeje mes çiftit, njofton Mitropol.
Sipas burimeve policore, viktima ka kërkuar ndihmë mjekësore pas sulmit, ndërsa autoritetet kanë ndërhyrë menjëherë duke intervistuar të dyja palët. Me vendim të prokurorit, i dyshuari është dërguar në mbajtje, ndërkohë që viktima, me dëshirën e saj, ka shkuar te familja e saj.
Rasti është nën hetime dhe pritet të ketë zhvillime të mëtejshme në përputhje me ligjin. Autoritetet inkurajojnë qytetarët të raportojnë rastet e dhunës në familje dhe të kërkojnë mbështetje institucionale./Mitropol/
