Një rast i armëmbajtjes pa leje është raportuar në fshatin Selac të Mitrovicës. Sipas njoftimit nga policia, një qytetar kosovar ka raportuar humbjen e një pistolete me karikator dhe tetë fishekë, shkruan Mitropol.
Gjatë hetimeve u konstatua se ankuesi nuk posedonte leje për armën e humbur. Si rezultat, Prokuroria ka inicuar rastin dhe po kryhen hetime për të zbardhur rrethanat e ngjarjes.
Policia ka theksuar rëndësinë e respektimit të ligjit për armëmbajtjen dhe apelon te qytetarët që të pajisen me dokumentacion të rregullt për çdo armë në posedim. Hetimet vazhdojnë për të zbuluar vendndodhjen e armës dhe për të përcaktuar përgjegjësitë ligjore./Mitropol/
