
Kandidati për kryetar të Komunës së Vushtrrisë nga radhët e LDK-së, Xhafer Tahiri, ka braktisur studion gjatë debatit në RTK.
Në fjalën e tij, Tahiri tha se nuk sheh arsye të qëndrojë në debat pa praninë e kryetarit aktual të komunës.
“Debatet janë për t’u dhënë llogari qytetarëve. Desha t’i dëgjoj të gjithë të bëjnë hyrjen e programit, por besoj që nuk ia vlen të jemi tutje në këtë program”, u shpreh ai para se të largohej.
Ky veprim i Tahirit erdhi si shenjë pakënaqësie ndaj mospjesëmarrjes së kryetarit të komunës në përballjen televizive.








