Ish-kryeministri i Shqipërisë dhe deputeti, Pandeli Majko, ka thënë se në veri të Kosovës po zhvillohet skenari i Donbasit në Ukrainë.
Majko në Facebook ka shkruar se Serbia ka filluar një “lodër” të vjetër me kushtet e “reja” të shteteve të Perëndimit.
“Serbia ka filluar një “lodër” të vjetër në kushte të “reja” me Perëndimin. Në veriun e Kosovës po zhvillohet “skenari” i Donbasit në Ukrainë.”, ka shkruar ai.
“Asnjëherë, nuk duhet nënvlerësuar dikush që mbivlerëson veten. Në këtë rast, ai quhet Aleksandër Vucic!”, ka thënë ai.
Kujtojmë se në veri të Kosovës këto ditë ka pasur sulme ndaj Policisë së Kosovës dhe misionit të EULEX-it nga grupet kriminale./Nacionale/
