Xhudistja Laura Fazliu ka arritur një sukses të jashtëzakonshëm në Lojërat Universitare Botërore në Rhine-Ruhr, të organizuara nga FISU.
Fazliu është stolisur me medaljen e argjendtë.
Në xhiron e parë ajo ishte e lirë, ndërsa në xhiron e dytë xhudistja kosovare e mposhti Sofiia Bordinskykh nga Ukraina.
Në çerekfinale ajo triumfoi ndaj Viktoria Folgen nga Gjermania, ndërsa në gjysmëfinale mposhti Flavia Favorini nga Italia.
Në ndeshjen finale për medaljen e artë, Laura u përball me Narumi Tanioka nga Japonia. Për shkak të një lëndimi, rrugëtimi i saj u ndërpre në këtë fazë, duke përfunduar garën me medaljen e argjendtë.
“Faleminderit për emocionet që na dhurove dhe që na bën krenarë!”, thuhet në njoftimin e Federatës së Xhudos së Kosovës.
