Një incident i rëndë fizik ka ndodhur në rrugën “Driton M Veliu” në Mitrovicë, ku një qytetar ka përfunduar me lëndime trupore pas një mosmarrëveshjeje në trafik, njofton “Mitropol”.
Sipas raportit të Policisë, ngjarja ka ndodhur rreth orës 20:10.
Viktima ka pranuar menjëherë tretman mjekësor për shkak të lëndimeve të marra, ndërsa i dyshuari është larguar nga vendi i ngjarjes dhe aktualisht ndodhet në arrati.
Policia ka nisur hetimet për zbardhjen e rrethanave të incidentit dhe për kapjen e të dyshuarit.
Rasti është klasifikuar si “Lëndim i rëndë trupor” dhe mbetet nën hetime./Mitropol/
