Organizohet tribunë dhe protestë që propagandon rrezikimin e fëmijëve dhe studentëve serbë në Kosovë

Në Amfiteatrin e Fakultetit të Shkencave Teknike në Mitrovicën e Veriut, në mesditë u mbajt një tribunë me rastin e Ditës Botërore të Fëmijëve.

“Pavarësisht nga bashkësia ndërkombëtare dhe forcat e tyre të sigurisë në Kosovë, fëmijët tanë nuk janë të sigurt,” ishte mesazhi nga tribuna.

Aty folën punonjës të shkollave serbe në Kosovë, si në veri ashtu edhe në jug, si dhe një nënë e dy fëmijëve nga Zhitkovci.

Tribuna filloi më herët me afishet identike që u vunë re në mëngjes nëpër qytet. Gjatë, gjatë tribunës, ato mbaheshin nga studentet e Universitetit të Prishtinës.

Tribuna në amfiteatër u ndoq nga drejtuesit e Listës Serbe, drejtorët e shkollave fillore dhe të mesme serbe në Kosovë, disa mësues dhe profesorë. Aty janë të pranishëm edhe fëmijët.

“Që nga çështjet më të vogla, si sigurimi i librave shkollorë për fëmijët, deri te siguria e tyre, gjithçka këtu është e pasigurt,” u spekulua në këtë ngjarje.

U diskutua për respektimin e të drejtave të fëmijëve serbë në veri dhe jug të Ibrit, për sigurinë dhe jetën e tyre, si dhe për të drejtën e tyre për arsimim.

“Pavarësisht bashkësisë ndërkombëtare dhe forcave të tyre të sigurisë në Kosovë, fëmijët tanë nuk janë të sigurt,” tha në tribunë një nënë nga Zhitkovci, fëmijët e së cilës, siç pretendon ajo u sulmuan nga Policia e Kosovës në qershor të vitit të kaluar.

Pas tribunës, e cila zgjati gjysmë ore, rreth njëqind të pranishmit në amfiteatër vazhduan me një marsh protestues – deri në fund të shëtitores së qytetit në veri.

Marshimin e kryesonin studente që mbanin në duar pankarta me fëmijë të lënduar./Kossev/

Përmbajtja u përkthye dhe u përshtat nga Mitropol