02KOSOVËLAJME

Pas 9 muajsh largohet tenda e protestuesve serbë përballë Komunës së Leposaviqit

Është larguar tenda para ndërtesës së Komunës në Leposaviq, e cila ishte vendosur aty pas ngjarjeve të majit të vitit të kaluar në veri të Kosovës.

Kësaj i ka paraprirë kërkesa e kësaj jave të kryetarit Lulzim Hetemi drejtuar qytetarëve për të hequr tendën ku po qëndronin. Për momentin, megjithatë, nuk ka asnjë konfirmim se kush e hoqi tendën.

Koha
Florenti Company
Market Florenti

Policia e Kosovës thotë se nuk e ka larguar këtë tendë dhe se nuk e di se kush e ka bërë, gjersa Lista Serbe nuk ka deklaruar se kanë bërë një veprim të tillë, shkruan “Mitropol”.

As ish-kryetari i komunës së Leposaviqit, Zoran Todiq, nuk iu përgjigj thirrjeve të portalit Kossev mbrëmë në lidhje me këtë temë.

Në anën tjetër, zyrtari i Qeverisë së Kosovës nga Leposaviqi, Radoica Radomiroviq, pohon se është larguar “nga ata që e kanë emëruar – anëtarë të Listës Serbe”.

Në fund të majit të vitit të kaluar, në ndërtesat komunale në Leposaviq, Zubin Potok dhe Zveçan, u vendosën kryetarët e rinj shqiptarë, fitues të zgjedhjeve të mbajtura një muaj më parë, të cilat u bojkotuan nga serbët.

Punonjësit e organeve ilegale në veri që funksionojnë sipas sistemit serb, të udhëhequr nga krerët e Listës Serbe, më pas kishin nisur protestat para objekteve komunale ku punonin deri atëherë.

Ndërkohë në të gjitha këto komuna ku kanë qëndruar protestuesit ishin ngritur tenda. Mirëpo, në fillim të kësaj jave u raportua se kryetari i Leposaviqit u ka dërguar kërkesë qytetarëve që ta largojnë tendën e vendosur përballë ndërtesës së komunës.

Kërkesa shoqërohej me një paralajmërim se policia do ta hiqte tendë  nëse ata që i kishin vendosur tendat nuk do ta bënim këtë. Madje, për këtë u dha edhe një afat i përcaktuar qartë për largim, i cili megjithatë u shtye në mënyrë të përsëritur.

Tenda megjithatë ishte ende e pranoshme para ndërtesës së komunës në ditën e parë të fundjavës, por dje në mëngjes ajo ishte ‘zhdukur’.


Kush e hoqi tendën?

Policia e Kosovës sonte ka thënë se zyrtarët policor nuk kanë lidhje me heqjen e tendave.

“Policia e Kosovës nuk e ka hequr tendën”, ka thënë shkurt për Kossev, zëvendëskomandanti i Policisë së Kosovës për rajonin e Veriut, Veton Elshani.

Lista Serbe, drejtuesit e së cilës udhëhoqën qytetarët në protesta kundër zgjedhjes së kryetarëve shqiptarë në krye të komunave veriore dhe vendosjes së tyre në këto objekte komunale, sot nuk kanë njoftuar asgjë në lidhje me heqjen e tendave.

Ish-kryetari i komunës së Leposaviqit, Zoran Todiq, nuk iu përgjigj thirrjes telefonike gjatë mbrëmjes së djeshme, ndërsa në të njëjtën kohë nuk iu përgjigj as pyetjeve që i janë dërguar përmes Viberit.

Radomiroviq: Tenda është hequr nga Lista Serbe

Zëvendësministri e Qeverisë së Kosovës, Radoica Radomiroviq, megjithatë thotë se kjo tendë është hequr nga anëtarët e Listës Serbe.

“Tendën nuk e kanë hequr qytetarët e thjeshtë, e kanë bërë ata që e kanë ngritur – anëtarë të Listës Serbe”, tha Radomiroviq për KoSSev, transmeton “Mitropol”.

Ky banor i Leposaviqit pretendon se tenda është hequr mëngjesin e djeshëm rreth orës 06:30.

Ai po ashtu ka konfirmuar se kryetari i Leposaviqit, Lulzim Hetemi, ka dërguar kërkesë për heqjen e tendës dhe se afati është shtyrë disa herë.

“Kanë një afat që ka lëvizur deri në orën 15:00. “Kërkesa për heqjen e tendës është bërë nga kryetari i komunës, sepse ajo ndodhet në një sipërfaqe publike dhe ishte realisht një tallje me komunën”, tha ai.

Radomiroviq pohon se në periudhën paraprake në këtë tendë kanë qëndruar maksimumi dhjetë persona – pra, siç thotë ai, “ish punonjës të komunës”.

Ai beson se kërkesa për heqjen e çadrës është e justifikuar pasi qytetarët kanë nisur një peticion për largimin e kryetarit.

Me këtë, thotë Radomiroviq, “ata e njohën kryetarin dhe i dhanë legjitimitet”./Mitropol/