PDK, në mbledhjen e Këshillit Drejtues të mbajtur sot, ka lëshuar një Deklaratë Politike prej 5 pikash, ku ndër to është zhbllokimi institucional, e ku propozohet formimi i një qeverie nga opozita, shkruan Mitropol.
Tutje, në pikën e “Qeveria e re dhe prioritetet shtetërore”, PDK kërkon të adresohet veçanërisht sektori i energjisë, si sfidë për qytetarët.
“Në këtë moment të rëndësishëm për vendin, PDK thekson nevojën urgjente për një qeveri funksionale, që ofron zgjidhje reale për sfidat që po kalojnë qytetarët dhe shteti i Kosovës – posaçërisht me sektorin e energjisë. PDK, duke e llogaritur partinë që doli e para në zgjedhje si përgjegjëse për keq-qeverisje dhe stagnim shtetëror, rithekson përsëri se zgjidhja më optimale në këtë periudhë do të ishte formimi i një qeverie nga partitë që deri më 9 shkurt ishin në opozitë, një qeveri me përgjegjësi, profesionalizëm, vullnet për bashkëpunim dhe ide të qarta.”, shkruan kjo parti.
